POESÍA CON MOITO MÁIS

                        A pasada semana comezamos con formación para estar preparados para as saídas á Natureza sin que haxa riscos nin perigos. Acompañounos un policía moi especial que nos explicou todo xenial, mil grazas Xabi                       

Agora a practicar na casa para saber onde vivimos, a nosa rúa, número e piso. Tamén podemos aprender o que vemos pola ventá da nosa casa, o super, un bar...todo aquilo que nos poda axudar no caso de ter unha emerxencia.

Continuaremos a última semana de marzo cunha morea de actividades, o día das tortillas, o DÍA MUNDIAL DO SÍNDROME DE DOWN, coñecendo o que acontece ao chegar a primavera,... e entre elas a visita do noso amigo Xoán Neira que nos presentará o seu libro CALENDARIO POÉTICO co que estamos a traballar.

Aquí deixo unha estrofa do poema adicado ao mes de marzo:

                                                    O  OITO  É  O  DÍA  DA  MULLER

POLA   IGUALDADE  ENTRE  ELA  E  EL.

O  VINTE É  O  DÍA  DA  NARRACIÓN,

O  CONTO  QUE  QUENTA  COMO  O  SOL.

O  VINTE  E  UN  É  O  DÍA DA  POESÍA,

MELLOR   SERÍA  TODOS  OS  DÍAS;

TAMÉN  O DÍA  DA   ÁRBORE

PLANTA  A  TÚA  CON  CARIÑO

PARA  QUE  MEDRE  CONTIGO.

XOÁN NEIRA

O MES DA POESÍA E MOITO MÁIS

 Marzo é un mes no que sempre traballamos un pouco máis a poesía, entramos en contacto coa natureza e ademaís tivemos unha nova sesión de ioga con instrumentos musicais moi diferentes e relaxantes.

Por fin fixemos ioga na Ludoteca e coñecimos uns instrumentos musicais moi relaxantes, o gong e unha frauta moi diferente.

   

Comezamos a coñecer un pouco máis a natureza aprendendo o nome das flores que comezan a saír no campo e nos xardíns e sementamos cenorias, pementos e unha semente de mandarino.Agora esperaremos a que xermolen para transplantar.

Aprendemos poesías de Xoan Neira, que nos visitará en breve, do seu libro Calendario poético pero tamén aprendimos unha preciosa poesía de Manuel María do seu libro OS SOÑOS NA GAIOLA, escollimos este poema xa que a nosa amiga Paca ten un barco moi chuli. Logo ilustrámolo con preciosos debuxos para recitar na praza coa axuda do kamishibai, e fixémolos moi, moi ben!!!

OBRADOIRO DE COCIÑA E OUTRAS ACTIVIDADES

 Rematamos febreiro e comezamos marzo cunha morea de actividade. Fixemos un obradoiro de cociña e nel as comidas favoritas de Paca e Calixto, coñecimos moitas cousas de Rosalía de Castro e dentro do noso traballo IGUÁLA-T tivemos un espéctaculo de maxia.

Polo 8M, e para completar as actividades de educación en igualdade que facemos cada día, tivemos unha maga e un mago que ademáis de facer trucos e sombras chinesas para as nenas e os nenos tamén recordaron para os adultos algunhas das cousas importantes polas que serguir educando para facer un mundo sin diferencias por razóns de xénero.

http://bibliotecalibrin.blogspot.com/2023/03/iguais-na-maxia.html

XOGOS 8M

VISITA AO SUPERMERCADO EROSKY

 

Unha excursión sempre resulta motivadora para novas actividades encamiñadas a crear hábitos saudables e convertelos en prácticas habituais dende a infancia.

Percorremos  todas as seccións do supermercado , onde nos explicaron un montonazo de cousas. As nenas e os nenos xa sabian moito e por iso adiviñamos moitos dos peixes da peixaría, moitas verduras.... Tamén aproveitamos para mercar os ingredientes da  receita que do 1º obradoiro de cociña, os pratos favoritos de PACA E CALIXTO.

E para rematar menuda sorpresa nos tiña preparada FINA, unha merenda moi, moi especial.

Aínda que as veces parece  complicado, os nenos e nenas poden comer máis variado tamén cando é un día de festa. Hoxe axudounos  o EROSKI a mostrarlles  platos divertidos a base de froitas. Sería moi interesante agora que vos acompañaran na cociña a preparar e participar do momento de facer a merenda. Aquí deixamos as ideas de Fina que foron todo un éxito .

É moi positivo presentar alimentos saudables en ambientes festivos .Debemos establecer unha asociación positiva entre festa e saúde. O importante é preparalos ben e de forma divertida e atractiva para as nenas e  os nenos,  lles chame a atención e desperte a súa curiosidade. Así que apostade por merendas e festas de aniversarios con comida saudable e divertida

A visita ao supermercado  EROSKI foi moi productiva e chea de agasallos, así que 

GRAZAS , GRAZAS E MÁIS GRAZAS EROSKI

Nós continuaremos no cole con obradoiros, clasificación dos alimentos, propiedades que nos aportan,...sempre de xeito lúdico co que conseguimos moitos dos obxectivos dos programas do centro e desta etapa onde a iniciación e consolidación de hábitos de saúde e sostibilidade son fundamentais.